Bıznes • 09 Jeltoqsan, 2022

Bızneske qaıta óńdeý óndirisin damytý baǵdarlamasy qajet

91 ret kórsetildi

Bul týraly búgin «Atameken» UKP Tóralqa tóraǵasy Raıymbek Batalov Atyraýda ótken «QAZPOLYMERS – 2022» birinshi otandyq forýmy barysynda málimdedi, dep jazady Egemen.kz.

UKP basshysy Kazakhstan Petrochemical Industries Inc JShS ıntegrasııalanǵan gaz-hımııa keshenine joǵary baǵa berdi.  Zaýyt osy jyldyń qarashasynda iske qosyldy.

KPI – shıkizatty tereń óńdeıtin Qazaqstannyń munaı-gaz hımııasy salasyndaǵy alǵashqy aýqymdy zaýyt. Onyń óndiristik qýaty jylyna 500 myń tonna polıpropılendi quraıdy. Bul álemdik polıpropılen óndirisiniń shamamen 1%-yn quraıdy. Osylaısha zaýyt búginde álemdegi jetekshi polıpropılen óndirýshileriniń qataryna kiredi. Búginde polıpropılen mashına jasaý, medısına, elektr tehnıka ónerkásibinde birqatar buıymdar, tot basýǵa qarsy materıal jasaýda taptyrmas shıkizat.

«Bul elimizdiń úlken mýltıplıkatıvti áseri bar serpindi jobalarynyń biri. Qazirgi kezdegi mindet – qaıta óńdeý óndirisin damytý úshin zaýyt aınalasynda naqty klaster qurý. Forýmnyń negizgi ıdeıasy osy. UKP retinde biz bul jumysty «QazMunaıGaz», «Báıterek» UBH jáne eń bastysy bıznespen birlesip belsendi túrde bastadyq. Atap aıtqanda, biz osy ónimdi tutynýshylar tizilimin qalyptastyra bastadyq, qosymsha taldaý jasaıtyn topty jınaımyz. Munyń bári bızneske osy aýmaqta qandaı óndiristerdi uıymdastyrýǵa bolatyny týraly naqty kórinis beretin durys jáne tıimdi baǵdarlamaǵa qurylýy tıis», dep atap ótti UKP basshysy.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar