Batyr esimi berildi

Qazaq armııasynyń tarıhynda Baýyrjan Momyshulynyń esimi erek. О́r minezimen, qolbasshylyq qyrymen, paıym-parasaty hám ultjandylyǵymen aty ańyzǵa aınalǵan tulǵany áskerı ómirdiń aınasyna aınalǵysy keletin árbir ofıser úlgi tutady. Olaı bolsa, el ómirine qatysty asa jaýapty mindet júktelgen áskerı bólimge batyr atynyń berilýi zańdy. Saltanatty is-sharaǵa Baýyrjan Momyshulynyń keli­ni Zeınep Ahmetova, general I.V.Panfılovtyń nemeresi Alýa Baıqadamova, sondaı-aq eńbek jáne soǵys ardagerleri qatysty.

Jınalǵandar dańqty qolbas­shyny qurmetpen eske alyp, ómiri men shyǵarmashylyǵy ha­qynda qyzyqty derekterge qanyq boldy. Erlik týraly estelikter aıtylyp, urpaq tárbıeleýde batyrdy úlgi etýdiń mańyzy sóz boldy.

– Ata el-jurtynyń, urpaǵy­nyń arasynda júr. Batyryn qadirlegen qalyń eli, urpaǵy atyn jańǵyrtyp, búgin taǵy da arýaǵyn aspandatty. Danalar «Sóngen juldyzdyń jaryǵy mıl­lıon jylǵa jetedi» degen eken. Atanyń juldyzy áli de jar­qyrap tur, – degen Zeınep Ahme­t­ova jas sarbazdarǵa jiger berdi.

1998 jylǵy 4 jeltoqsanda Qazaqstan Respýblıkasy Ishki ister mınıstriniń buıryǵyna sáıkes qurylǵan 5571 áskerı bólimi osy ýaqytqa deıin qala­nyń qoǵamdyq tártibin, túrli qoǵamdyq-saıası, sporttyq is-sharanyń tynyshtyǵyn saqtaý mindetterin atqaryp kelgen 5449 áskerı bóliminiń zańdy izba­sary. Merekelik jıynda bó­lim­ge batyr esimin berý týraly Úkimet Qaýlysy saltanatty túrde tabystaldy.

– Ekinshi dúnıejúzilik soǵys – taktıka men strategııa­ny bylaı qoıǵanda, áskerı tehnıkanyń, qarý-jaraqtyń zamanaýı úzdik úlgileriniń shaıqasy boldy. Komandırlerdiń ádis-aıla­syn áskerı tehnıkanyń múmkin­shilikterimen úılestirip, úlkendi-kishili atys-shabysta azýyna deıin qarýlanǵan jaýǵa toıtarys berip qana qoımaı, urys dalasynyń basty tulǵasy qa­tar­­daǵy jaýyngerdi aman alyp qalýdyń da amalyn tabý – qolbasshy Baýyrjan Momysh­ulynyń negizgi qaǵıdasy edi. Soǵys júrip jatqan kezde-aq qazaq halqynyń dańqyn shyǵa­ryp, abyroıyn arttyryp, ulttyń batyryna aınalǵan Baý­keń Máskeý túbindegi sheshýshi shaıqasta qapııada oı tapqan, qarańǵyda jol tapqan eren erligi men dańqy álemge jaıylyp, aty ańyzǵa aınalǵan qolbasshy retinde tanyldy. Búgingideı ataý­ly kúnde 5571 áskerı bóliminiń basshylyǵy men jeke quramynyń qyzmetine zor tabystar tilep, júktelgen mindetterin atqarýda tabandy bolýǵa tilektestik bildi­remiz, – dedi «Ońtústik» óńirlik qolbasshylyǵy qolbasshysynyń tárbıe jáne áleýmettik-quqyq­tyq jumystar jónindegi orynbasary polkovnık Nıaztaı Álkeshev.

Is-shara barysynda bólim komandıri polkovnık Baqdáýlet Ospanbekov jeke quramdy pat­rıottyq rýhta tárbıeleýge, jaýyn­­gerlik qyzmet mindetterin she­shýde ózara árekettestikti ny­ǵaıtýǵa qosqan úlesi úshin birqatar qonaqty arnaýly nag­­­­radalarmen marapatta­dy. Sal­tanatty rásimnen soń is-sha­raǵa jınalǵandar Qa­zaq ult­tyq qyzdar pedagogı­ka­lyq ýnı­versıtetiniń kórkem­óner­paz­dary men «General» tobynyń konserttik baǵdarlamasyn tamashalady.