«Men naqty ekonomıkany nesıelendirýdi keńeıtý qajettigi týraly birneshe ret aıtqanmyn. Bıznes ókilderi qoljetimdi qarjylandyrýdy qajet etedi. Meniń tapsyrmam boıynsha shuǵyl sheshimder paketi ázirlendi. Ol osy sektordaǵy júıeli máselelerdi sheshýge baǵyttalǵan. Atap aıtqanda, BJZQ salymshylarynyń zeınetaqy jınaqtarynyń 50%-ǵa deıingi bóligin jekemenshik basqarýǵa berý quqyǵy keńeıtiledi. Agroónerkásip keshenin nesıelendirýdi ulǵaıtý maqsatynda astyq qolhattary ınstıtýty tolyǵymen sıfrlandyrylyp, qaıta iske qosylady.
Olar agroónerkásip kesheni kásiporyndarynyń senimdi kepiline aınalady. Bul ekonomıkanyń osy sektoryn belsendirek nesıelendirýge múmkindik beretin jer qoınaýyn paıdalaný quqyǵyna da qatysty. Sonymen qatar Úkimet pen qarjylyq retteýshi organdardyń «Qarapaıym zattardyń ekonomıkasy» baǵdarlamasy aıasynda syıaqy mólsherlemelerin sýbsıdııalaý sharttaryn 7 jylǵa deıin uzartý múmkindigin qarastyrǵanyn oryndy sanaımyn. Árıne, bul ekonomıkanyń eń basym sektorlaryna ǵana áser etýi kerek», dedi Prezıdent.
