«Brakoner» jedel-profılaktıkalyq is-sharasy barysynda «О́skemen-Shemonaıha» tasjolynyń 60-shaqyrymynda Glýbokovskıı aýdanynyń 40 jastaǵy turǵyny basqarǵan «VAZ» avtokóligi toqtatyldy. Er adam kólikte 400 kelige jýyq balyqty qujatsyz tasymaldaǵan. Brakoner polısııa bólimine jetkizildi, onda jaýap alý kezinde ol balyqty Ýbınka aýylyndaǵy Shýlba sý qoımasynyń jaǵasynan ustaǵanyn aıtyp, kinásin moıyndady», dep habarlady polısııa.
Atalǵan fakti boıynsha sotqa deıingi tergeý amaldary júrgizilýde. Er adam úsh jylǵa bas bostandyǵynan aıyrylýy múmkin.
