Keshendi josparda Sý kodeksin jańa redaksııada ázirleý, sý resýrstary men sý sharýashylyǵy máseleleri jónindegi ǵylymı ortalyq qurý, sýdy paıdalanýdy retteýdiń ekonomıkalyq tetikterin iske asyrý, sý sharýashylyǵy ınfraqurylymyn damytý jáne basqa da is-sharalar kózdelgen.
Atap aıtqanda, Aqmola, Aqtóbe, Almaty, Jambyl, Shyǵys Qazaqstan jáne Qaraǵandy oblystarynda 8 jańa sý qoımasyn salý jáne 16 apatty sý qoımasyn rekonstrýksııalaý josparlanýda.
Bul qosymsha sý kólemin jınaqtaýǵa, 124 eldi mekende sý tasqyny qaýpin azaıtýǵa, 170 myń gektardan astam jańa sýarmaly jerlerdi aınalymǵa engizýge múmkindik beredi.
Budan basqa, sýarý arnalaryn rekonstrýksııalaý, magıstraldyq jáne sharýashylyqaralyq arnalardy avtomattandyrý, sondaı-aq sý resýrstaryn basqarýdy sıfrlandyrý kózdelgen, bul sýdyń ysyraby men artyq shyǵynyn aıtarlyqtaı azaıtýǵa múmkindik beredi.
«Aldaǵy úsh jylda biz ekonomıkaǵa jáne azamattarymyz úshin barynsha tıimdi bolatyn ózekti máselelerdi sheshýimiz kerek. Aldymen, joǵary nátıje beretin, sondaı-aq, birinshi kezekte rekonstrýksııalanýy tıis sý qurylystarynyń qaýipsizdigin qamtamasyz etetin basym jobalardy iriktep alýymyz kerek», dedi Álıhan Smaıylov.
