Úkimettiń keńeıtilgen otyrysynda Memleket basshysy naqty mindetter qoıdy. Bul mindetterdi iske asyrý boıynsha 8 tapsyrma Ulttyq ekonomıka mınıstrliginiń quzyretine jatady.
Tarıftik saıasatty reformalaý úshin «Tarıfti ınvestısııaǵa aıyrbastaý» bastamasy pysyqtalyp jatyr. Ol salaǵa jańa ınvestısııalardy yntalandyrý arqyly kommýnaldyq ınfraqurylymdy jańartýdy kózdeıdi.
«Jelilerdiń tozý kórsetkishin 20%-ǵa deıin tómendetýge 2029 jylǵa qaraı qol jetkizý josparlanýda. Jańa tarıftik saıasattyń tásilderine kóshýdi qamtamasyz etý tıisti jol kartasy sheńberinde iske asyrylatyn bolady. Qazirgi ýaqytta kommýnaldyq jelilerdi jańǵyrtý maqsatynda ınvestısııalar kólemin ulǵaıtý úshin tabıǵı monopolııalar týraly zańnamaǵa ózgerister ázirlenip jatyr», dedi Ulttyq ekonomıka birinshi vıse-mınıstri.
Bıyl ınflıasııanyń joǵary deńgeıi halyqtyń tabysyna teris áserin tıgizýde. Buǵan qosa, 2023 jylǵy 1 qańtardan bastap eń tómengi jalaqy mólsheri 70 myń teńgege deıin artatyn bolady. Osy jáne de basqa ózgeristerdi eskere otyryp, aldaǵy ýaqytta baǵdarlamany ózektendirý úshin jańa tásilder memlekettik organdarmen pysyqtalýda.
«Investısııalar týraly kelisim jasasý prosesin jeńildetý úshin Kásipkerlik kodekske túzetýler ázirlendi. Tıisti zań jobasy Parlament Senatynyń qaraýynda. Atap aıtqanda, basym qyzmet túrleriniń tizbesinen tyıym salynǵan tizimge kóshý arqyly ınvestısııalar týraly kelisimderdiń qoldaný aıasy keńeıtiledi. Investorlardyń shyǵyndaryn azaıtý jáne ınvestısııalyq sheshimder qabyldaýdy jedeldetý úshin «ready-built factory» tıpi boıynsha daıyn óndiristik alańdardy usyný boıynsha jumys júrgizilip jatyr», dedi T. Jaqsylyqov.
Sonymen qatar «Ulttyq qor – balalarǵa» bastamasyn 2024 jyldan bastap iske qosý tásilderi ázirlenýde. 18 jasqa deıingi barlyq balalarǵa jeke jınaqtaýshy shottar ashylady, olarǵa jyl saıyn qarajat túsetin bolady. Shot operatory retinde «Biryńǵaı jınaqtaýshy zeınetaqy qory» anyqtaldy. Jınaqtalǵan qarajat kámeletke tolǵan kezde ǵana paıdalanýǵa qoljetimdi bolady. Kelesi jyly jobany iske qosý úshin qajetti zańnamalyq ózgerister qabyldaý josparlanýda.
Aýyldyq aýmaqtardy damytýdyń 2023-2027 jyldarǵa arnalǵan tujyrymdamasyn ázirleý boıynsha jumys júrgizilýde. Ony 2023 jylǵy naýryzdyń sońyna deıin qabyldaý josparlanyp otyr.
Ulttyq ekonomıka birinshi vıse-mınıstriniń aıtýynsha, Tujyrymdamanyń negizgi maqsaty – aýyl halqynyń ómir súrý sapasyn arttyrý jáne olar úshin jaıly ómir súrý ortasyn qurý. Bul úshin ınstıtýsıonaldyq qamtamasyz etýdi damytý arqyly aýyldyq saıasat tásilderiniń tıimdiligin arttyrylady. Qazirgi ýaqytta Tujyrymdamanyń jumys jobasy jergilikti atqarýshy organdarmen talqylanyp jatyr.
Ekonomıkanyń neǵurlym basym salalarynda «Qarapaıym zattar ekonomıkasy» baǵdarlamasy sheńberinde nesıeleý merzimin uzartý týraly másele pysyqtalýda. Agrarlyq-ónerkásip kesheni jáne óńdeý ónerkásibi salalaryndaǵy 15 basym qyzmet túrleri boıynsha 7 jylǵa deıin kredıt berý usynyldy.
«Memlekettik qoldaý sharalaryn usyný sharttaryna ózgerister engizý sheńberinde memlekettik syıaqy mólsherlemesiniń sýbsıdııalanatyn bóligin bekitýge kóshý kózdelgen. Bul rette túpkilikti qaryz alýshy úshin syıaqy mólsherlemesin dıfferensııasııalaý kózdelgen», dedi T. Jaqsylyqov.
Memleket basshysynyń ákimdikterdiń fýnksıonaldyǵyn qamtamasyz etý jáne halyq úshin neǵurlym mańyzdy máseleler boıynsha úılestirýdi kúsheıtý boıynsha tapsyrmasyn iske asyrý maqsatynda óńirler ákimderi orynbasarlarynyń sanyn qoldanystaǵy sanyna 1 birlikke ulǵaıtý usynylady. Bul rette bastama jergilikti atqarýshy organdardyń qyzmetin qarjylandyrý úshin ornatylǵan lımıtter sheńberinde júzege asyrylady.
Ortalyq jáne jergilikti organdardyń derbestigin arttyrýǵa basa nazar aýdara otyryp, bıýdjetteý tásilderi qaıta qaralýda. Jergilikti deńgeıge ortalyqtan shyǵys ókilettikterin bir mezgilde bere otyryp, qosymsha kiris kózderi beriledi. Bul óńirlerdiń ózin-ózi qamtamasyz etýi men derbestigin qamtamasyz etýge múmkindik beredi.
«Osy baǵyttaǵy reformalar jalǵasýda. Jańa Bıýdjet kodeksi ázirlenýde. Bul jumys sheńberinde Bloktyq bıýdjettiń jekelegen elementteri engizý pysyqtalyp jatyr. Qujat bıýdjet prosesin túbegeıli jeńildetýge jáne memlekettik basqarý júıesin odan ári ortalyqsyzdandyrýǵa baǵdarlanatyn bolady. Qujatty kelesi jyldyń qyrkúıeginde Parlamenttiń qaraýyna engizý josparlanýda», dedi Ulttyq ekonomıka birinshi vıse-mınıstri.
