Jekelegen adamdar zańnamalyq tyıymǵa qaramastan, kólik quraldaryn basqarýdy jalǵastyrǵan. Jeltoqsan aıynda oblys prokýratýrasynyń bastamasymen jol-patrýldik qyzmetimen birlesip osyndaı quqyq buzýshylardy anyqtaý boıynsha reıdtik is-sharalar ótkizildi. Nátıjesinde 5 adam ustalyp, onyń ishinde 4 adam buryn mas kúıinde avtokólik júrgizgeni úshin júrgizýshi kýáliginen aıyrylǵan.
Barlyǵyna ÁQBtK 612-babynyń 3-bóligimen 50 AEK mólsherinde aıyppul taǵaıyndaldy. Jyl ishinde quqyq buzýshylyqtardy qaıtalap jasaǵan adamdar ÁQBtK 612-baby 4-1 bóligi boıynsha jazalandy. Onyń sanksııasy neǵurlym qatań jaza qoldanýdy qarastyrady (70 AEK mólsherinde aıyppul nemese 15 táýlik ákimshilik qamaýǵa alý).
Prokýratýra mundaı is-sharalardy turaqty negizde ótkizedi. Tek osy jyly prokýratýranyń úılestirýimen osyndaı quqyq buzýshylyq jasaǵany úshin 30 adam ustalyp, jaýapqa tartyldy.
