«16 jeltoqsan kúni saǵat 01:51-de Temirtaý qalasy Aqtaý kentindegi 5 qabatty turǵyn úıde órt shyqqany týraly habar tústi. Alǵashqy órt sóndirý bólimi oqıǵa ornyna 02:25-te jetti. 1-qabattaǵy 3 bólmeli páterde 40 sharshy metr aýmaqta órt shyqqan. Tótenshe jaǵdaılar departamentiniń bólimsheleri kelgenge deıin turǵyndar 5 adamnyń máıitin (2007, 2010 j.t. uldar, 1983, 1991 j.t. áıelder, 1991 j.t. erler) kireberisten kóshege alyp shyqty. Zardap shekken adamdar joǵarǵy qabattardaǵy páterlerden tútin basqan kireberis arqyly óz betimen evakýasııalanbaq bolǵan», delingen habarlamada.
Baspaldaq alańynda ashyq janý bolmaǵan. Alaıda tútinniń kóp mólsherdegi konsentrasııasy saldarynan turǵyndar dalaǵa shyǵyp úlgermegen.
О́rt sóndirý bólimsheleri kelgen kezde barlaý jáne janyp jatqan páterdegi órtti sóndirý barysynda 6-shy marqumnyń (1977 j.t. er adam) denesi tabyldy. Úsh adam ártúrli dene jaraqattaryn alǵan.
Sondaı-aq órt sóndirýshiler baspaldaq pen tynys alý apparatynyń kómegimen tútin basqan páterdiń kireberisinen 10 adamdy, onyń ishinde 4 balany qutqardy. Qabyldanǵan sharalarmen órt 03:10-da oqshaýlanyp, 04:00-de sóndirildi.
О́rttiń shyǵýyna sebep bolǵan jaǵdaılardy zerdeleý úshin oqıǵa ornyna Tótenshe jaǵdaılar mınıstrligi О́rtke qarsy qyzmet komıtetiniń tóraǵasy Nurbolat Derbisov bardy. О́rtti joıýǵa Qaraǵandy oblysy Tótenshe jaǵdaılar departamentiniń 16 qyzmetkeri men 4 birlik tehnıkasy jumyldyryldy.
О́rttiń shyǵý sebebi anyqtalýda. Oqıǵa ornynda synaq órt zerthanasynyń mamandary men tergeýshiler jumys istep jatyr. О́rt faktisi boıynsha polısııa qyzmetkerleri QR Qylmystyq kodeksiniń 292-baby boıynsha qylmystyq is qozǵady.
