Qyzdar jahandyq dodaǵa joldama aldy

Seýldegi Azııa chempıonatynyń jere­besi Qazaqstan qyzdary úshin qolaı­syz tústi. Japonııa, Qytaı sııaqty qurlyq­taǵy eń myqty ujymdarmen bir top­qa túsken Qazaqstan quramasy Taı­land, Gonkong sııaqty komandalardy utqa­nymen, Japonııa men Qytaıǵa qarsy tura almady. Japonııa – buǵan deıin Azııa chempıony degen ataqpen qatar, únemi fınalǵa shyǵyp júrgen komanda.

Qytaı quramasy da osal emes. Azııa chempıonatynda 16 (!) márte júlde alǵan shyǵys­taǵy kórshilerimiz bıylǵy jarys­tyń qory­tyndysy boıynsha júlde sanyn 17-ge jetkizdi.

Desek te, Qazaqstan quramasy Azııa chempıonatynyń alǵashqy oıynynda dál osy Qytaı quramasyna aıtarlyqtaı tótep berdi. Tipti keıbir oıyn sátterinde boıjetkenderimiz esepte alǵa shyqqan edi. О́kinishke qaraı, Berik Beknazarovtyń shákirtteri óz múmkindikterin tıimdi paı­da­lana almaı, qarsylastarynyń esep­te alǵa shyǵýyna jol berip qoıdy.

Jalpy, Azııa chempıonaty barysynda Qazaqstan quramasy sapynda Janerke Seıitqasym, Dana Ábildá, Veronıka Har­dına, Kamıla Serikbaeva, Irına Bara­novskaıa, Araılym Ábdihamıt óte jaqsy óner kór­setti. Máselen, Qytaımen ótken alǵash­qy matchta Veronıka Hardına 8 dop soqsa, Dana Ábildına 6 ret qarsylas qaq­pasyn dál kózdedi.

Azııa chempıonatynyń qorytyndysy boıynsha 5 komanda kelesi jyly ótetin álem chempıonatyna joldama aldy. Olar – Qazaqstan quramasy jáne úz­dik tórttikke kirgen Ońtústik Koreıa, Japo­nııa, Qytaı jáne Iran quramalary.

О́tken aptada Ońtústik Koreıa qura­masy fınalda Japonııany qosymsha ýaqytta jeńip (34:29), Azııanyń 16 dúr­­­kin jeńimpazy atandy. Qola júlde Iran­dy 39:24 esebimen utqan Qytaı enshi­sinde.

Álem chempıonatyn kelesi jyly Da­nııa, Shvesııa jáne Norvegııa qurama­la­ry birigip ótkizedi. Búginde álemdik ja­rysqa qatysatyn 32 komandanyń 17-si belgili boldy. Atap aıtsaq, jarys qo­ja­ıyndarynan bólek, Fransııa, Cherno­gorııa jáne Nıderland quramalary Eýropa chempıonatynyń qorytyndysy bo­ıynsha joldama aldy. Afrıka aıma­ǵy­nyń úzdik tórt komandasy qarasha aıy­nyń 20-ynda anyqtaldy. Olar – Angola, Kamerýn, Kongo jáne Senegal qura­ma­lary. Amerıka aımaǵynyń qos myqty­sy Brazılııa men Argentına da álem chempıonatyna qatysatyn ujymdarǵa qosyldy. Kelesi jyldyń kókteminde Eýropa chempıonatynyń ekinshi irikteý oıyndary ótedi. Ol jerde 10 komanda belgili bolady. Al qalǵan bes komandany Halyqaralyq gandbol qaýymdastyǵy ózderi usynady (wild card).

Azııa chempıonatynyń nátıjeleri

Toptyq oıyndar

A toby

1-týr. Úndistan – Iran – 35:43; Ońtústik Koreıa – Aýstralııa – 48:9;

2-týr. О́zbekstan – Iran – 32:35; Úndistan – Ońtústik Koreıa – 8:38;

3-týr. Úndistan – О́zbekstan – 28:22; Iran – Aýstralııa – 43:15;

4-týr. Aýstralııa – Úndistan – 30:42; О́zbekstan – Ońtústik Koreıa – 21:41;

5-týr. Aýstralııa – О́zbekstan – 26:36; Ońtústik Koreıa – Iran – 41:11;

Týrnır kestesi

V toby

1-týr. Qytaı – Qazaqstan – 28:26; Taıland – Japonııa – 9:44;

2-týr. Gonkong – Qazaqstan – 24:28; Qytaı – Japonııa – 26:29;

3-týr. Qytaı – Gonkong – 36:21; Qazaqstan – Taıland – 30:24;

4-týr. Taıland – Qytaı – 13:36; Gonkong – Japonııa – 7:42;

5-týr. Taıland – Gonkong – 24:20; Qazaqstan – Japonııa – 21:33;

Týrnır kestesi

Pleı-off

Jartylaı fınal. Ońtústik Koreıa – Qytaı – 34:16; Japonııa – Iran – 43:19;

9-10-oryn úshin. Aýstralııa – Gonkong – 26:28;

5-8-oryn úshin. Úndistan – Taıland – 37:25; Qazaqstan – О́zbekstan – 30:28;

7-8-oryn úshin. Taıland – О́zbekstan – 39:35;

5-6-oryn úshin. Qazaqstan – Úndistan – 42:31;

3-4-oryn úshin. Qytaı – Iran – 39:24;

FINAL. Ońtústik Koreıa – Japonııa – 34:29 (27:27) qosymsha ýaqytta.

Jalpy, álem chempıonatyna kez kel­gen komanda top etip túse salmaıdy. Irikteý oıyn­darynyń ózi qajyrly eńbekti qa­jet etedi. Ony elimizdegi basketbol, voleı­bol, fýtbol sııaqty komandalyq sport túr­leriniń irikteý saıystarynan kó­r­ip júrmiz. Sondyqtan gandbolshy qyzda­ry­myzdyń Azııa qurlyǵynan besinshi oryn ıelenip, álemdik jarysqa joldama alyp jatqanynyń ózi – biz úshin úlken jetistik.