«Memleket basshysy Úkimettiń keńeıtilgen otyrysynda qazaqstandyqtarǵa beriletin nesıe máselesin sheshý úshin 2023 jylǵy 1 qańtardan bastap «Jeke tulǵalardy ońaltý jáne bankrottyq týraly» zańdy qoldanysqa engizý qajettigin aıtty. Bul bastama bizdiń elimiz úshin asa mańyzdy. Jeke tulǵanyń bankrottyǵy – azamattyń nesıe berýshiler aldyndaǵy qaryzdaryn tolyǵymen óteý nemese mindetti tólemder jasaýǵa zańdy qabiletsizdigin anyqtaý múmkindigi, sondaı-aq kóptegen adamdar úshin qarjylyq qıyndyqtardan shyǵý, turǵyn úı, kommýnaldyq tólemder boıynsha bereshekti jáne basqa da mindettemelerdi esepten shyǵarý múmkindigi bolady», dedi senator Serikbaı Trumov.
Kezdesýge Joǵarǵy sottyń, Qarjy, Eńbek jáne halyqty áleýmettik qorǵaý, Ádilet mınıstrlikteriniń, Qarjy naryǵyn retteý jáne damytý agenttiginiń, Ulttyq banktiń jáne basqa da birqatar uıymnyń ókilderi de qatysty.
Senatorlar otyrys qorytyndysy boıynsha kóterilgen máselelerdiń bári komıtet depýtattary tarapynan zań shyǵarý qyzmeti aıasynda nazarǵa alynatynyn atap ótti.
