Raıymbek Batalov palatanyń fýnksııasyna jatpaıtyn qyzmetterge taldaý jasalyp, qysqartylǵanyn, olardyń básekelik ortaǵa berilgenin, sondaı-aq Ulttyq kásipkerler palatasynyń bıýdjet baǵdarlamasyna táýeldiligi túbegeıli azaıǵanyn jetkizdi. Kezdesý barysynda elimizdegi kásipkerlikti damytýdyń negizgi baǵyttaryna erekshe nazar aýdaryldy. Joǵary áleýmettik jaýapkershilik, adaldyq, salyq adaldyǵy, ekologııalyq talaptardy saqtaý jáne basqa mańyzdy qaǵıdattardy berik ustanatyn kásipkerlerdiń jańa býyny paıda bolý úshin jaǵdaı jasaý qajettigi aıtyldy.
Qazirgi ýaqytta Palata meılinshe jedel sheshýdi qajet etetin jáne strategııalyq basymdyqqa ıe máselelerdi anyqtaý úshin tereń taldaý júrgizip jatyr. Atalǵan túıtkilderdiń Úkimetpen jáne ákimdiktermen tyǵyz seriktestikte sheshilýi ekonomıkany tıimdi ártaraptandyrýǵa, jańa ekonomıkalyq saıasatty júzege asyrýǵa jáne qolaıly bıznes ahýal qalyptastyrýǵa septigin tıgizedi.
Prezıdent Ulttyq kásipkerler palatasynyń esebin tyńdap, strategııalyq sheshimder qabyldaý kezinde bıznestiń múddesin eskerý mańyzdy ekenin, sondaı-aq otandyq kásipkerlikti damytýdy yntalandyrý úshin usynylǵan sharalar men «Atamekendi» transformasııalaý tásilderiniń ózektiligin atap ótti.
