Maqtaaral aýdanynyń polısııa qyzmetkerleri jol-kólik oqıǵalaryn saqtaý, qadaǵalaý, qylmys pen ákimshilik quqyq buzýshylyqtyń aldyn alý maqsatynda profılaktıkalyq is-sharalardy turaqty túrde júrgizip otyrady. Osyndaı kezekti shara barysynda polısııa qyzmetkeri E.Jylqybaev keshki ýaqytta kóliginiń ishinde kúmándi zat qoldanyp otyrǵan júrgizýshini baıqap, oqıǵa ornyna jedel-tergeý tobyn shaqyrtty.
Osylaısha kóliktiń qujattaryn tekserip, jaýap alyp, tintý júrgizý barysynda turǵynnan 5 dana sirińke qorabyna salynǵan esirtkige uqsas zat tabyldy.
Atalǵan jaıtqa baılanysty er adamnan alynǵan zat arnaıy saraptamaǵa jiberildi. Saraptama qorytyndysyna sáıkes, tabylǵan zat jalpy salmaǵy 20 gramǵa jýyq keptirilgen marıhýana ekendigi belgili boldy. Polıseıler esirtkini turǵynnyń qaıdan alǵanyn anyqtaý maqsatynda jumystar atqaryp jatyr.
Atalǵan derek QR QK-niń 296-babymen (Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) tirkeýge alynyp, qylmystyq is qozǵaldy. Sotqa deıingi tergeý amaldary júrip jatyr.
