Premer-Mınıstr Álıhan Smaıylovqa joldaǵan saýalynda depýtat 1917 jyly jeltoqsanda Álıhan Bókeıhanovtyń Alash respýblıkasy úkimetiniń tóraǵasy bolyp saılanǵanyn, buǵan dálel retinde «Saryarqa» gazetindegi jarııalanymdy kórsetti.
«Bıyl Alash Respýblıkasynyń qurylǵanyna 105 jyl tolyp otyr. Esterińizge sala keteıin, 29 maýsymda «Aq jol» fraksııasy bul datany memlekettik deńgeıde atap ótý týraly depýtattyq saýal joldaǵan bolatyn. Biraq, ókinishke qaraı, bul tarıhı data taǵy da nazardan tys qaldy», dedi depýtat Berik Dúısenbınov.
Tarıhı ádilettilikti ornatý úshin depýtat jyl saıyn 12 jeltoqsandy memlekettik deńgeıde Alash kúni retinde atap ótýdi usynyp otyr.
Eske sala keteıik, 2022 jyly Qazaqstannyń Tuńǵysh Prezıdenti kúnine oraı 1 jeltoqsandaǵy merekelik kún joıyldy. Bul datany Memlekettik rámizder jáne Alǵys aıtý kúni syndy atap ótý usynyldy.
Sonymen qatar Respýblıka kúni 25 qazanda toılanatyn memlekettik merekeler qataryna qaıtaryldy.
