Sýretti túsirgen avtor
Katonqaraǵaı memlekettik tabıǵı parkiniń aýmaǵyn meken etken janýarlar birde Reseıdiń «Katýnskıı» bıosferalyq qoryǵyna ótse, endi birde keri qaıtady. Eki jaqtyń tabıǵaty men klımaty birdeı. Osyny eskergen eki tarap jyl kóleminde ańdarǵa baqylaý jasaý sekildi jumys júrgizip keledi. Reseı men Qazaqstan arasynda 2024 jylǵa deıin qorshaǵan ortany qorǵaý boıynsha yntymaqtastyq týraly kelisim bar eken.
– Jyl kóleminde memlekettik ınspektorlarmen birlesip, «Altaı» transshekaralyq rezervatynyń shekarasy mańyndaǵy jabaıy ań-qustardyń túrlerin, sanyn esepke alý jumystary júrgizildi, – deıdi janýarlar álemin qorǵaý jáne óndirý bóliminiń saıatker-bıologi Ámir Bazılov.
Qos tarap kelisim aıasynda fototuzaqtar quryp, ań sanaý jumystaryn júrgizip qana qoıǵan joq, birneshe ret dóńgelek ústelde bas qosyp, tájirıbe de almasty. Sonymen qatar týrızm men kúzet máseleleri de qarastyryldy.
Saıatker-bıolog Ámir Bazılovtyń aıtýynsha, eki eldiń arasynda kóp mıgrasııalaıtyn janýarlar – buǵy, bulan, elik. Aıý bolsa, qorek izdep qana mekenin aýystyrady. Biraq uıqyǵa jatar mezgilde óz apanyn adaspaı tabady. Zertteý kezinde shekara syzyǵynan qasqyr sekildi jyrtqysh ańdardyń izderi de baıqalǵan. Jalpy qoryq aýmaqtarynda ań sany artyp keledi. Tabıǵat janashyrlary keıingi kezde ańdardyń mekenin, sanyn jasyryn saqtaýdy jón kórgen. Eskerte ketsek, park, qoryq aýmaqtarynda ańshylyqqa múldem ruqsat joq.
Shyǵys Qazaqstan oblysy
