Oraldaǵy qalamgerler alańy

Syrym Datuly dańǵylynyń bo­ıynda jańadan jasaqtalǵan ádemi alań qala turǵyndary men qonaqta­ry serýendep, demalys ýaqytyn tıimdi ótkizýge bolatyn ádemi múıiske aınalǵan. Qalamgerler atyn ıelen­gen alańnyń ashylýyna Batys Qazaqstan oblysynyń ákimi Narı­man Tóreǵalıev, Oral qalasynyń ákimi Mırjan Satqanov, Qazaq­stan Jazýshylar odaǵy oblystyq fılıa­lynyń jetekshisi, Qadyr Myrza Áli atyndaǵy óner men má­denıet saraıynyń dırektory Baýyr­jan Halıolla jáne jer­gilikti aqyn-jazýshylar qatysty.

– Qoǵamda aqyn-jazýshylar men ult zııalylarynyń orny erekshe. Sondyqtan qalamgerler­diń qadir-qasıetin arttyryp, tór­den túsirmeı qurmettegen el­miz. Búgingi ashylyp jatqan «Qa­lamgerler alańy» da sol sózimizdiń jarqyn bir mysaly. Al, arnaıy qoıylǵan belgitas – dúnıeden ótken aqyn-jazýshylardyń rýhyna taǵzym, – dep atap ótti óńir basshysy.

Bul aıtýly oqıǵaǵa oraı Qazaqstan Jazýshylar odaǵy basqarmasynyń tóraǵasy Ulyq­bek Esdáýlet pen Qazaqstan Jazý­shylar odaǵynyń basqarma hatshysy, Astana fılıa­lynyń dırektory Dáýletkereı Kápuly quttyqtaý hat joldaǵan eken.

Is-shara sońynan óńir basshysy jergilikti qalamger qaýymmen das­tarqan basynda júzdesip, kóptegen suraqqa jaýap berdi. Oblys ákimi qyz­metine jaqynda ǵana taǵaıyndalǵan Narıman Tóreǵalıuly Memleket basshysy usynyp otyrǵan «Ádiletti memleket – Ádiletti ekonomıka – Ádiletti qo­ǵam» tujyrymdamasyn júzege asy­rýdyń máni men mańyzyna toqtalyp, Aq Ja­ıyqtyń aqyn-jazýshylaryn osy jol­da jumy­la qyzmet etýge shaqyrdy.

Batys Qazaqstan oblysy