Er adam adam ómiri men densaýlyǵyna qaýipti emes zorlyq-zombylyqty qoldana otyryp, bótenniń múlkin ashyq túrde urlaǵany úshin úsh jylǵa sottaldy. Probasııalyq baqylaýda bolǵan eseptegi azamat qoǵamdyq oryndarda tıisý úshin, alkogoldik ishimdikter ishkeni jáne tynyshtyqty buzǵany úshin 4 ret ákimshilik jaýapkershilikke tartylǵan.
Probasııa qyzmetkerleri tarapynan oǵan bas bostandyǵyn shekteýdi bas bostandyǵynan aıyrýǵa aýystyrý týraly birneshe eskertýler berilgen. Alaıda esepte turǵan jas jigit eskertýlerge qulaq aspaı, qoǵamdyq oryndy lastaǵany úshin taǵy da ákimshilik quqyq buzýshylyq jasaǵan.
«Esepke qoıý kezinde oǵan bas bostandyǵyn shekteý túrindegi jazany óteý erejeleri men sharttary, onyń quqyqtary men mindetteri birneshe ret túsindirildi. Osyǵan qaramastan, sottalǵan adam jazany óteýdiń barlyq erejeleri men sharttaryn elemedi. Tıisinshe oǵan jetekshilik etetin ınspektor bas bostandyǵynan aıyrýǵa jaza túrin aýystyrý máselesin qaraý týraly sotqa usynys jiberdi. Sot probasııa qyzmetiniń usynysyn qanaǵattandyrý týraly sheshim shyǵardy.
«Qazirgi ýaqytta ol ýaqytsha ustaý ızolıatoryna qamaldy», dedi ShQO boıynsha QAJ Departamentiniń Soljaǵalaý probasııa qyzmetiniń ınspektor-psıhologi Móldir Kabıbıeva.
