Temirtaý qalasynan 8 shaqyrym jerde saǵat 23:55-te TJD qyzmetkerleri qar qursaýynda qalǵan jeńil avtokólikten tórt adamdy qutqardy. Qutqarylǵan adamdar Temirtaý qalasyna jetkizildi.
Sondaı-aq Abaı aýdanyndaǵy Sasyqkól kólinde balyq aýlap júrgen eki balyqshy qar qursaýynda qalǵan. Er adamdar TJD kúshterimen qutqarylyp, Novodolınka aýylyna jetkizildi.
Buqar Jyraý aýdanynda taǵy eki balyqshy qutqaryldy. Balyqshylardyń kóligi Ashysý sý qoımasy mańyndaǵy qar kóshkininde qalyp qoıǵan.
Nura aýdanynyń Balyqtykól aýylynda TJD, jergilikti atqarýshy organdar men týystarynyń kúshimen 1980 jyly týǵan er adamdy izdeý jumystary júrgizildi. Ol saǵat 11:00-de mal izdeýge qarda júrgishpen shyǵyp, oralmaǵan. 22 jeltoqsan kúni saǵat 04:19-da izdestirý toby joǵalǵan adamdy Balyqtykól aýylynan 20 km qashyqtyqta tapty. Qutqarylǵandarǵa medısınalyq kómek qajet bolmady.
