Baǵdarlama boıynsha nesıeleý úshin 2023 jyly 100 mlrd teńgege deıin qarajat bólinedi.
Ulttyq bank ókilderi atap ótkendeı, baǵdarlama boıynsha jyl saıynǵy kredıtteýdiń naqty kólemi bankterdiń naryqtyq ıpotekalyq ónimderiniń bolýy men damýyna baılanysty bolady.
«Jeńildetilgen nesıelendirýmen barynsha kóp azamattardy qamtý maqsatynda baǵdarlamany iske asyrýdyń jekelegen sharttary qaıta qaraldy. Atap aıtqanda, bir qaryz alýshy baǵdarlamaǵa bir retten artyq qatysa almaıdy», delingen Ulttyq bank habarlamasynda.
Bul rette baǵdarlama sheńberinde beriletin ıpotekalyq turǵyn úı qaryzdarynyń parametrleri ózgerissiz qalady (bastapqy jarnanyń eń tómengi mólsheri, qaryzdyń eń joǵary somasy, syıaqy mólsherlemesi, qaryz merzimi, óńirler bólinisinde satyp alynatyn turǵyn úıdiń eń joǵary quny).
Eske sala ketsek, «7-20-25» ıpotekalyq baǵdarlamasy 2018 jyldyń jazynda iske qosyldy. Áleýmettik baǵdarlama qazaqstandyqtarǵa nesıeleýdiń tıimdi sharttarynyń arqasynda turǵyn úı jaǵdaılaryn jaqsartýǵa kómektesti.
2021 jyldyń 19 mamyrynda Qarjy naryǵyn retteý jáne damytý agenttiginiń tóraǵasy Mádına Ábilqasymova «7-20-25» baǵdarlamasyn qarjylandyrý aıaqtalǵanyn málimdegen edi.
