Jeltoqsannyń 22-si kúni «Qarashyńǵyl» ańshylyq sharýashylyǵynyń kúzetshilerine Eńbekshiqazaq aýdany Baltabaı aýylynyń shetinde Ýkraınanyń eki kúdikti azamaty tekserilgeni týraly habarlama kelip túsken.
Oqıǵa ornyna kelgen polıseıler jedel-izdestirý is-sharalary barysynda 43 jáne 28 jastaǵy sheteldikterdiń kólikterin teksergen jerdiń janynan qara sómkeni taýyp alǵan, onyń ishinde aq jáne tańbaly móldir polıetılen paketter bolǵan.
«Odan ári Almaty oblysy esirtkige qarsy kúres departamentiniń qyzmetkerleri jedel is-sharalar barysynda yqtımal esirki zerthanalarynyń eki mekenjaıyn anyqtady. Ruqsat etilgen tekserý barysynda jergilikti jerde taǵy 6 Ýkraına Respýblıkasynyń azamaty ustaldy. Sonymen birge zerthanalyq qural-jabdyqtar, shyny tostaǵandar men krıstaldy zattar, hımııalyq zattar salynǵan metall qańyltyrlar tárkilendi», dep habarlady Almaty oblysy polısııa departamentiniń baspasóz qyzmetinen.
Tintý kezinde 30 kelige jýyq «spıd» esirtki zaty tárkilendi.
Atalǵan fakti boıynsha sotqa deıingi tergeý júrip jatyr. Qylmystyq is QR QK 297-babynyń 3-bóligimen tirkeldi. Kúdiktiler ýaqytsha ustaý ızolıatoryna qamaldy.
Aıta keteıik, kinásin moıyndaý kezinde ustalǵandar osyndaı tyıym salynǵan zattardy óndiretin úshinshi zerthanany ashýǵa daıyndyq barysy týraly aıtty.
