Latvııanyń eks-ekonomıka mınıstri jáne qarjy mınıstri, al qazir FIDE basqarýshy dırektory Almaty jáne Astananyń shahmat akademııalarynyń 24 oqýshysymen bir mezgilde oıyn seansyn ótkizdi. Azııa chempıonatynyń qazirgi kúmis júldegeri uzaǵyraq qarsylasyp, aqyr sońynda jeńiske jetti.
Kárim Astana qalasynyń týmasy. Qazir ol Q.Sátbaev atyndaǵy BINOM mektebiniń 3-synybynda oqıdy. Muǵalimderdiń aıtýynsha, Kárimniń este saqtaý qabileti erekshe. Sol sııaqty jan-jaqty qyzyǵýshylyǵy, tapsyrmalardy sheshýge degen jyldam qabileti de bar. 8 jastaǵy grossmeıster tarıhqa, geografııaǵa jáne fýtbolǵa erekshe qyzyǵady, al shahmatpen bes jasynan bastap aınalysa bastaǵan.
«Shahmat oınaý ózime qatty unaıdy. Qarsylasymdy jeńý qolymnan keldi, óıtkeni ol bastapqyda-aq fıgýrasyn berip qoıǵan edi. Osydan keıin uzaǵyraq oılanyp, ár qımylymdy sanap bastym. Árıne, onyń shabýylyna qarsy tura alamyn ba dep ýaıymdaǵanym ras. Biraq qarsy tura bilip, endshpılge kóshtim. О́zimde eki peshka az bolsa da qarsylasymnyń peshkasyn, artynsha pilin jeńip aldym. Sol kezde baryp jeńilgennen basqa amaly qalmaǵanyn bildi. О́zimniń jeńisime sondaı qýanyshtymyn», dep Kárim oıynnan alǵan áserimen bólisti.
