Aıta ketsek, «Qazaqstan halqyna» qory sý basqan aýyldardyń turǵyndaryna 771,9 mln teńge somasyna 30 úıdiń qurylysyn qarjylandyrý boıynsha qaıyrymdylyq kómek kórsetken edi.
Qaratóbe aýdanynyń Shalǵyn aýylynda 23 bir qabatty bir páterli turǵyn úı jáne Jánibek aýdanynyń Jaqsybaı aýylynda 7 turǵyn úı salyndy.
Shalǵyn aýylynyń turǵyny Bekjan Masálimniń aıtýynsha sý tasqynynan aýyldyń bir bóligi zardap shekken.
«Jańa úıimiz jyly, ádemi. Qonystandyq, shaǵymymyz joq. Unap otyr. Kómek qolyn sozǵan barsha qurylysshylarǵa, ákimdik, Qor ókilderine rahmet. Qıyn jaǵdaıdy bastan ótkerdik, ońaı bolmady. Biraq qazir qýanyshtymyz, rızamyz jasalǵan jumysqa. Osyndaı qıynshylyq endi bolmasyn, demeý bolǵan barsha qaýymǵa alǵysymyz zor», dedi Shalǵyn aýylynyń turǵyny Bekjan Masálim.
Jańa páterlerge jaryq, gaz, sý men sanıtarlyq torap júrgizilgen.
Eske sala ketsek, 2022 jyldyń sáýir aıynda oryn alǵan sý tasqyny saldarynan óńirdegi turǵyn úıler sý astynda qaldy. Olardyń bir bóligi turýǵa jaramsyz bolyp shyqty. 21 shildede Qorǵa BQO ákiminiń orynbasary T.Qaıýpovtyń úı qurylysy úshin qarajat bólýge járdemdesý týraly ótinishi kelip tústi. Oblys ákimdigi qajetti qujattardy usynǵannan keıin, 8 tamyzda «Qazaqstan halqyna» qorynyń Qamqorshylyq keńesi úıler qurylysy úshin qaıyrymdylyq kómek kórsetý týraly sheshim qabyldady.
