Oblys polıseıleri múddeli organdarmen birge tasjol boıyndaǵy qylqan japyraqty aǵashtar ósetin jerlerde táýlik boıy reıd júrgizip jatyr.
«Polısııa qyzmetkerleriniń patrýldik jumystarynyń nátıjesinde qaraǵaılardy zańsyz kesýdiń eki faktisi anyqtaldy. Birinshi fakti Meńdiqara aýdanynda, ekinshisi Qostanaı oblysynda tirkeldi», dedi Qostanaı oblysy IID tabıǵatty qorǵaý polısııasynyń qyzmetkeri Tımýr Nursaıtov.
Anyqtalǵandaı, úıge shyrsha ornatýǵa tapsyrys berý maqsatynda ormandaǵy jas qaraǵaılardy er adamdar kesip alǵan.
Nátıjesinde eki adam QR Ákimshilik kodeksiniń 381-1 baby «Aǵashtar men butalardy zańsyz kesý, joıý nemese zaqymdaý» boıynsha ákimshilik jaýapkershilikke tartyldy.
15 jeltoqsannan beri «Shyrsha» jedel-aldyn alý sharasy aıasynda polısııa qyzmetkerleri 10-nan astam quqyqbuzýshylyqty anyqtady.
