Merekelik jıyn barysynda óz salasynda oza shapqan 100-den astam muǵalimderge arnaıy alǵys hattar tabystalyp, sonyń ishinde úzdikterge, pedagog mártebesin kóterip, yntalandyrý maqsatynda kásipodaq uıymy tarapynan aqshalaı sertıfıkattar berildi.
«Túrkistan oblysy bilim jáne ǵylym qyzmetkerleriniń jergilikti kásiptik odaǵy» qoǵamdyq birlestiginiń tóraǵasy Baqyt Erkinbek osy is-sharaǵa Jetisaı aýdanynyń ustazdaryn jas urpaqqa sapaly bilim men sanaly tárbıe berýdegi belsendi eńbegi jáne sala qyzmetkerlerin áleýmettik qorǵaýdaǵy qyzmeti úshin «Kásipodaqqa eńbegi sińgen qyzmetker» belgisimen, Qurmet Gramotalarmen, Alǵys hattarmen marapattaýlaryn joldady.
Jetisaı aýdanynyń adamı áleýetti damytý bóliminiń basshysy Ǵazıza Álibekqyzy jáne kásipodaq uıymynyń mamany Sáken Nurlybaıuly jyl úzdikterine arnaıy Alǵys hattarmen qosa qarjylaı sertıfıkattar tabys etti.
Bas júlde – B.Momyshuly atyndaǵy №6 mektep-gımnazııasyna «Úzdik mektep» 100 000 teńge sertıfıkaty mektep dırektory Qozybaq О́mirhan Júndibaıulyna tapsyryldy.
Jetisaı aýdany adamı áleýetti damytý bólimi basshysy mindetin ýaqytsha atqarýshy Ǵazıza Álibekqyzy, ustazdarǵa sáttilik tilep, alǵys aıta otyryp, bul formattaǵy is - sharalar jalǵasyn tabatyndyǵyn aıtty.
