Joldarda TJ joıý jónindegi respýblıkalyq shtab quryldy. Osyǵan uqsas shtabtar óńirlerde jumys istep jatyr. Blok-beketterde 1000 birlikten astam avtokólik quraldary jınaldy.
Búgin qutqarý bólimshelerimen 691 adam qutqaryldy, onyń ishinde 137 bala bar. Sondaı-aq 145 birlik tehnıka qar qursaýynan shyǵaryldy.
«Halyqty evakýasııalaý úshin avtojoldardyń jabyq ýchaskelerinde ýaqytsha jylytý pýnktteri daıyndaldy. Evakýasııalaý úshin tehnıka daıyn tur. Ýaqytsha jylytý pýnktterinde 179 adam, onyń ishinde 16 bala bar. Halyqty eskertý maqsatynda aýa raıynyń nasharlaýy týraly 232 SMS-habarlama, sondaı-aq «Darmen» mobıldi qosymshasy arqyly 114 habarlama jiberildi», delingen mınıstrlik habarlamasynda.
Avarııalyq-qutqarý jumystaryna barlyǵy 4000-nan astam adam jáne 1300 birlik TJM, IIM jáne JAO tehnıkasy jumyldyryldy.
Respýblıkalyq jedel-qutqarý jasaǵynyń kúshimen Túrgen shatqalynan Almaty qalasyna 37 mashınany alyp júrý júrgizildi. Jol qyzmetteri joldy tazartý jumystaryn jalǵastyryp jatyr.
