Aldymen, Taıynsha aýdanynyń Kremenchýg aýyly mańynda 38 jastaǵy astanalyq «Hyundai Elantra» avtomobılimen Aqjar aýdanynyń 30 jastaǵy turǵyny júrgizip kele jatqan «Kia Rio» avtokóligine soqtyǵysty. Oqıǵa saldarynan «Hyundai» avtokóliginiń 37 jastaǵy jolaýshysy medısınalyq kómekke júginýge májbúr boldy.
Osy kúni túste osy joldyń boıyndaǵy Beskól aýylynyń mańynda Petropavl qalasynyń 28 jáne 62 jastaǵy turǵyndary basqarǵan «Audi-80» jáne «Renault Duster» avtokólikteri soqtyǵysty. Soqqy alǵan «Renault» kóliginiń júrgizýshisi men jolaýshysy jaraqattar aldy.
Al keshke Roshınskoe aýyly mańynda elordanyń 38 jastaǵy turǵyny «Toyota Alphard» kóligimen aýdarylǵan. Ishindegi tórt jolaýshyǵa medısınalyq kómek kórsetildi, al 9 jastaǵy qyz bala aýrýhanaǵa jatqyzyldy.
«Barlyq jaǵdaıda da júrgizýshilerdiń ishimdik ishpegeni anyqtaldy. Tek kúrdeli aýa raıy kezinde jol tártibin qatań saqtamaǵandyqtyń saldarynan apatqa jol bergen», dep atap ótti SQO Polısııa departamenti Jergilikti polısııa qyzmeti basqarmasynyń bastyǵy polısııa polkovnıgi Aıdyn Baımatov.
