Onyń ishinde zardap shekken 6 kámeletke tolmaǵan bala bar. Mysaly, elordada 1 qańtarda túnde úıdiń aýlasynda er adamdy eki kámeletke tolmaǵan balasymen birge otshashýdy qoldanǵan kezde kúıik shalǵan. Taǵy bir oqıǵa Astanada Nájimedenov kóshesinde tirkeldi. Pırotehnıkany durys qoldanbaý saldarynan balkon órtenip ketti. Zardap shekkender joq.
Ishki ister mınıstrligi 25 jeltoqsan men 3 qańtar aralyǵynda respýblıka boıynsha «Pırotehnıka» jedel-profılaktıkalyq is-sharasyn ótkizgenin atap ótken jón. Maqsaty – jańa jyldyq mereke qarsańynda qoǵamdyq qaýipsizdikti qadaǵalaý. Osy kúnderi polıseıler men Tótenshe jaǵdaılar departamenti qyzmetkerleri jeke jáne zańdy tulǵalardyń azamattyq pırotehnıkalardyń aınalymyna jáne onyń qaýipsizdik erejelerin saqtaýyna qadaǵalaý jumystaryn júrgizdi. Máselen, pırotehnıkalyq buıymdardy satý erejelerin buzǵany úshin 842 adam ákimshilik jaýapkershilikke tartyldy, onyń ishinde ÁQBtK-niń 196-baby (Zańsyz saýda) boıynsha – 829, 436-bap boıynsha (Bólinbegen oryndarda qoldaný) – 11, 483-bap boıynsha (Saqtaý jáne tasymaldaý tártibin buzý) – 2 adam. Jalpy, jedel-profılaktıkalyq is-sharasynyń nátıjesinde barlyǵy 16 400 sertıfıkattalmaǵan pırotehnıkalyq ónim tárkilengen.
