Qoǵam • 05 Qańtar, 2023

Qazaqstanda eń tómengi jalaqy mólsheri ósti

510 ret

kórsetildi

1 mın

oqý úshin

2023 jylǵy 1 qańtardan bastap Memleket basshysynyń tapsyrmasyn iske asyrý maqsatynda Qazaqstanda eń tómengi jalaqy mólsheri 60 000 teńgeden 70 000 teńgege deıin artty. Bul týraly Eńbek jáne halyqty áleýmettik qorǵaý mınıstrligi habarlady, dep jazady Egemen.kz.

Marjan TILEÝBEK

Qazaqstanda eń tómengi jalaqy mólsheri ósti

Eńbek kodeksine sáıkes jumys berýshiler jumyskerlerge eńbekaqyny ETJ-dan tómen bolmaıtyn deńgeıde qamtamasyz etýge mindetti. Osynyń arqasynda túrli menshik nysanyndaǵy kásiporyndardyń barlyq salalarynda jumys isteıtin jalaqysy 70 myń teńgege deıingi 1,8 mln-ǵa jýyq jaldamaly jumyskerdiń aqshalaı kiristeri ósedi.

Birinshi kezekte ETJ kóterilýi «jalaqysy tómen» qyzmetkerlerge qatysty bolady. Ekinshiden, jalaqy deńgeıin belgileý kezinde ETJ kórsetkishin paıdalanatyn jumys berýshiler razrıadaralyq biliktilik júıesin eskere otyryp, qyzmetkerlerdiń basqa sanattarynyń jalaqysyn qaıta qaraıtyn bolady.

Esterińizge sala keteıik, ETJ eńbek salasyndaǵy eń tómengi áleýmettik standart jáne jyl saıyn tıisti qarjy jylyna sáıkes «Respýblıkalyq bıýdjet týraly» zańmen belgilenedi.