TJM baspasóz qyzmeti taratqan málimetke sáıkes, olarǵa kómekke ShQO TJD Jedel-qutqarý jasaǵynyń qutqarýshylary jol talǵamaıtyn «TREKOL» avtokóligimen barǵan. Osylaısha Reseı Federasııasynyń 12 azamaty, onyń ishinde 2 bala qaýipti aımaqtan evakýasııalanǵan.
«Adamdar Shemonaıha qalasynyń qonaqúıine ornalastyryldy. Onda jergilikti atqarýshy organdar tamaq pen jylytýdy uıymdastyrdy. Qazir óńirde 15 avtojol jabyq kúıinde qalyp otyr», delingen habarlamada.
ShQO TJD azamattardan aýa raıy turaqtanǵansha barlyq saparlardy toqtatýdy surady. О́ńirde daýyl bolatyny týraly eskertý jarııalanǵan. Aýa raıy týraly «Darmen» mobıldi qosymshasynan bilýge bolady.
