Kompanııa ókilderiniń aıtýynsha, kásiporyn 1981 jyly salynǵan. Onyń negizgi jabdyqtary 61,5 paıyzǵa deıin tozyp ketken. Senatorlar Memleket basshysynyń tapsyrmalaryn eskere otyryp, elimizdiń birqatar jylý elektr stansııalarynda oryn alǵan aýyr apattardy jáne jylý berý maýsymynda avarııalyq jaǵdaılar men tehnıkalyq aqaýlardy aldyn alýdyń mańyzdylyǵyna JEO basshylyǵynyń erekshe nazaryn aýdardy.
«Memleket basshysynyń tapsyrmasy boıynsha energııa óndirýshi kompanııalarǵa aýqymdy tehnologııalyq saraptama júrgizildi jáne sharalar jospary belgilendi. Aldaǵy ýaqytta elektr stansııalary basshylarynyń jaýapkershiligin arttyrý máseleleri boıynsha qoldanystaǵy zańnamaǵa ózgerister engizý josparlanyp otyr», dedi Aıgúl Qapbarova.
Senatorlar «Kongress Holl» kópsalaly kesheniniń qurylys barysymen jáne memlekettik-jekemenshik áriptestik aıasynda iske qosylǵan «Atameken» medısınalyq ortalyǵynyń jumysymen de tanysty.
