8 qańtarda saǵat 22:00-den bastap respýblıkalyq mańyzy bar «Astana-Qorǵaljyn» ýchaskesinde kóliktiń barlyq túrleri úshin qozǵalys ashyldy.
Búgin saǵat 01:20-dan bastap respýblıkalyq mańyzy bar «Ekaterınbýrg-Almaty» jolynyń 1003-1247 shaqyrymynda, atap aıtqanda Astanadan Atbasar qalasyna aparatyn jolda dızelmen júretin avtobýstardan basqa barlyq avtokólik túriniń qozǵalysyna ruqsat berildi.
Búgin tańǵy 04.20 kezinde aýa raıynyń turaqtalýyna baılanysty respýblıkalyq mańyzy bar «Astana-Ereımentaý-Shiderti» tasjolynyń 16-200 shaqyrymynda qozǵalys jandandy.
Búgin saǵat 06:00-den bastap respýblıkalyq mańyzy bar «Astana – Petropavl» tasjolynda kólik qozǵalysy ashyldy.
Buryn habarlanǵandaı, 8 qańtar kúni saǵat 22:30-daǵy jaǵdaı boıynsha respýblıkalyq mańyzy bar joldardyń 37 ýchaskesinde kólik qozǵalysy shekteldi. Qolaısyz aýa raıyna baılanysty Aqmola, Aqtóbe, Shyǵys Qazaqstan, Abaı, Qaraǵandy, Ulytaý, Qostanaı, Pavlodar jáne Soltústik Qazaqstan oblystarynda joldar jabylǵan edi.
