Sandyq júıedegi qurylys derekteri

Tutastaı alǵanda, el boıynsha 47 myńnan astam kásiporynnyń qury­lys-montaj jumystaryna lısenzııasy bar. Onyń ishinde 46 myńǵa jýyǵy naqty jumys istep keledi.

Eske sala keteıik, Prezıdent Qasym-Jomart Toqaevtyń tapsyr­ma­sy bo­ıynsha qalalardy keshendi salý stan­darttarynyń ádisteme­lik qu­ja­ty qabyldanyp, zama­naýı qoǵamdyq keńistikter men ınfra­qury­­lymdy qalyptastyrý boıynsha qa­­rapaıym jáne kórneki quralǵa aınal­maq.

Standarttardy iske asyrý úshin ákimdikter shaǵyn sáýlet nysandary men abattandyrýdy qoldana otyryp, qalalardyń zamanaýı kelbetiniń dızaın kodtaryn ázirleıtin bolady. Qala qurylysyn josparlaýdyń júıeli sheshimine kelsek, biryńǵaı aqparattyq keńistikte monıtorıngtiń jańa tásilderi men tetikteri engizilip jatqanyn atap ótken jón.

Osy rette Qala qurylysy ­kadastry júıesiniń qyzmeti qury­lysty tıimdi josparlaýdyń jáne qala qu­ry­lysy baǵytyndaǵy ashyqtyq­ty qam­tı­tyn negizgi quraldardyń ­biri bolady dep kózdelip otyr.

Zańnamalyq deńgeıde aýmaqtardy salýdy keshendi sıfrly basqarý úshin biryńǵaı qala qurylysy saraptamasyn engizip, qala qurylysy joba­laryn, ınjenerlik-geodezııalyq izde­nis­terdi esepke alý, ınjenerlik jeli­ler men olardyń qýattary boıynsha tabıǵı monopolııalar sý­bek­tileriniń derekterin Qala ka­dastry júıesine engizý máselesi py­syq­talyp jatyr.

Qurylystyń smetalyq quny­nyń artýyna jol bermeý úshin jo­ba­laý-smetalyq qujattamada praıs-paraq­tardy qoldaný tetigi alynyp tastaldy. Osy arqyly jumys túr­leri men konstrýktıvter boıynsha aýqymdy normalardy qoldanyp, sme­talardy esepteýdiń zamanaýı ádisi en­gizildi. Biryńǵaı smetalyq baǵa­lardyń jı­naq­tary ázirlenip, bul smeta­lyq qujattamany daıyndaýdyń kúrdeli­ligin azaıtý men olardy saraptaý prosesin jeńildetpek.

Sondaı-aq qurylystyń sapasy men onyń ashyqtyǵyn baqylaýdy kúsheıtýge arnalǵan biryńǵaı qury­lys portalyn ázirleý qolǵa alyn­ǵanyn atap ótý qajet. Bul sharalar qurylystyń barlyq qatysýshysyna qatysty derekti biryńǵaı sıfrly ortada jınaqtaýǵa septigin tıgizedi.

Azamattardyń turǵyn úı másele­lerin sheshý úshin byltyrǵy 11 aıdyń qorytyndysy boıynsha 13 mln shar­shy metr baspana paıdalanýǵa berildi. Sonymen qatar 13,8 myń jal­ǵa beri­le­tin jáne kredıttik páter salynyp jatyr.

Turǵyn úı qurylysynyń sıklin avto­mattandyrý úshin Indýstrııa jáne ınfraqurylymdyq damý mı­nıstr­ligi qurylys prosesiniń barlyq qaty­sýshysyna arnalǵan e-Qurylys júıe­sin ázirlegenin aıta ketý kerek. Qazir e-Qurylys platformasy res­­pýb­lıka boıynsha tehnıkalyq qada­­ǵalaý esepterin elektrondy túr­de jı­naýǵa qolǵabys etip ke­ledi. Máse­len, 2022 jyldan bastap e-Qurylys júıe­sinde qanatqaqty re­jimde «Qazaq­standyq turǵyn úı kom­panııasy» AQ-nyń oblıgasııalyq zaımdary esebinen 109 avtomobıl joldary jobasy men 80 turǵyn úı jobasy qarjylandyrylyp, iske asyrylǵan.