Iаnnı negizinen aspaptyq týyndylardy tyńdarmanyna usynyp, djaz, klassıkalyq, soft rok jáne álemdik mýzykany bir-birimen tyǵyz baılanystyryp, jymdastyra aldy. Onyń óz salasynda shoqtyǵy bıik týyndylar jazýyna da osy ereksheligi sebep boldy deýge bolady.
Sonymen birge Iаnnı tarıhı konsertter berý jáne qoǵamdyq ortada kóp kórsetiletin beınerolıkter shyǵarý arqyly álemdik arenaǵa shyqty.
Onyń jurtty baýraǵan konserti «Live at the Acropolis» dep atalady. Iаnnıdiń konsertteri kóbinese tarıhı oryndarda ótedi. Ásirese, Úndistannyń Táj-Mahalyn, Birikken Arab Ámirlikteriniń Býrdj-Halıfasy, Reseıdiń Kremli, Pýerto-Rıkodaǵy El-Morro saraıy, Lıvannyń ejelgi Bıblos qalasynda tyńdarmanyna jol tartady.
Iаnnıdiń osyǵan deıin on alty albomy jaryq kórip, álemniń ár túkpirinde lezde taralyp jatty. Sol úshin de onyń kóptegen shyǵarmasy «Úzdik jańa dáýir albomy» sanatynda boldy. Aıtalyq, «Dare to Dream» jáne «In My Time» Gremmı syılyǵy boıynsha tańdaýly atalymdarǵa ıe boldy.
О́zgeshe óneri ony dúnıeniń tórt buryshyndaǵy tyńdarmandarmen dos etti. Ol bes qurlyqtyń 30-dan astam elinde óner kórsetti. 2015 jyldyń aıaǵyna deıin 5 mıllıonnan astam adamnyń aldynda jandy daýysta án saldy. Tyńdaǵan qulaqtyń quryshyn qandyrar Iаnnı lırıkalary asaý bulaqtardyń aǵysyn, ıen dalada shaýyp bara jatqan tulparlar dúbirin eske túsiredi, kóz aldyńa ákeledi.
Dúnıe júzindegi mádenıettermen toǵysqan onyń shyǵarmashylyq álemi úzdiksiz tolyǵyp otyrdy. Iаnnı «naǵyz jahandyq sazger» dep ataldy, onyń mýzykasy «bir álem, bir halyq» fılosofııasyn anyq kórsetedi. «The Truth of Touch» albomy 2011 jyldyń aqpanynda jaryqqa shyqty, bul onyń segiz jyl burynǵy jańa mýzykalardan turatyn alǵashqy stýdııalyq albomy. Onyń týyndylarynyń ártúrli mazmuny zamanaýı aspaptyq, elektrondy jáne kınematografııalyq áserlerdi óz ishine aldy. Sol úshin de onyń álemi tanymal óner úshin, ónerge ǵashyq jandar úshin jańa dáýir jáne álemdik mýzykamen birdeı boldy.
2014 jyldyń naýryz aıynda Iаnnı óziniń on jetinshi stýdııalyq albomy Inspirato-ny shyǵardy. Bul týyndyny da tyńdarmandar burynǵydaı bir demmen qabyl aldy. Iаnnıdiń «Armandar oryndalǵanda» pesasy 60 kúndik Soltústik Amerıka týrynda kezeń-kezeńimen oryndalyp, álemdik deńgeıdegi shyǵarmaǵa jol ashyldy. Bir sózben aıtqanda, grekten júrekke jol salǵan Iаnnı mýzykalary máńgi ólmeıdi.
