Elimizdiń keıbir aımaqtarynda qatty úsik kútiledi.
«Respýblıka aýmaǵynyń basym bóliginde aıazdy aýa raıy saqtalady. Túnde soltústikte, Almaty, Túrkistan, Jetisý oblystarynyń taýly aımaqtarynda 30-33 gradýs aıaz, Qaraǵandy, Ulytaý oblystarynyń shyǵysynda -40 gradýs aıaz, keı jerlerde óte qatty aıaz kútiledi. Mańǵystaý oblysynyń soltústik-shyǵysynda aıaz saqtalady, aýa temperatýrasy 20-24 gradýs aıaz. Jambyl oblysynda 30-33 gradýs aıaz kútiledi», delingen «Qazgıdromet» RMK habarlamasynda.
Sınoptıkterdiń boljaýynsha, elimizdiń ońtústik-shyǵysynda, shyǵysynda jáne soltústiginde qar jaýady, azdaǵan qarly boranmen jel kúsheıedi, ońtústik-shyǵysta tuman kútiledi.
«Iri qalalarǵa keletin bolsaq, Astanada kóshpeli bult shyǵady, ótkinshi qar jaýady, burqasyn bolady. Ońtústik-batystan 9-14 m/s jel soǵady. Aýa temperatýrasy túnde -27...-29°S, kúndiz -17...-19°S; Almatyda – kóshpeli bult shyǵady, jaýyn-shashynsyz. Jel 0-5 m/s. Aýa temperatýrasy túnde -21...-23°S, kúndiz -15...-17°S; Shymkentte – kóshpeli bult shyǵady, jaýyn-shashynsyz. Soltústik-shyǵystan 3-8 m/s jel soǵady. Aýa temperatýrasy túnde -24...-26°S, kúndiz -10...-12°S», dep tolyqtyrdy vedomstvo.
