Joǵarǵy Sottyń sýdıalaryn qyzmetten bosatý týraly usynysty Joǵarǵy Sot Keńesiniń tóraǵasy Denıs Shıpp oqyp berdi.
«Sizdiń qaraýyńyzǵa Memleket basshysynyń Joǵarǵy Sot sýdıalaryn – Salıı Vıacheslav Vasılevıchti, Eskendir Asandy jáne Qadyrbaeva Aıgúldi basqa laýazymǵa taǵaıyndaýǵa baılanysty qyzmetten bosatý týraly usynystary engizildi», dedi Denıs Shıpp.
Ol Vıacheslav Salııa Prezıdenttiń 2022 jylǵy 5 jeltoqsandaǵy Jarlyǵymen Qostanaı oblystyq sotynyń tóraǵasy bolyp taǵaıyndalǵanyn, Parlament Senatynyń 2022 jylǵy 29 jeltoqsandaǵy qaýlylarymen Asan Eskendirov pen Aıgúl Qydyrbaeva osy jyldyń 1 qańtarynan bastap QR Konstıtýsııalyq Sotynyń sýdıalary bolyp taǵaıyndalǵanyn atap ótti.
«Memleket basshysynyń Salıı, Eskendirov pen Qadyrbaevany basqa laýazymǵa taǵaıyndalýyna baılanysty Joǵarǵy Sot sýdıalary qyzmetinen bosatý týraly usynysyn qoldaýyńyzdy suraımyn», dep atap ótti Denıs Shıpp.
Qaraý qorytyndysy boıynsha depýtattar Prezıdenttiń usynysyn biraýyzdan qoldady.
