Jıynda TJ departamenti «2021-2023 jyldarǵa arnalǵan sý tasqyny qaýpin azaıtý jónindegi» respýblıkalyq jol kartasy jáne oblystyq ınjenerlik jumystar jospary sheńberinde jazǵy-kúzgi kezeńde ótkizilgen daıyndyq is-sharalary jóninde baıandady. Atalǵan josparlar sheńberinde barlyǵy 89 is-shara júrgizildi, onyń ishinde jalpy uzyndyǵy 15 shaqyrymdy quraıtyn Qaraǵandy qalasynyń Rabochıı kentindegi Solonka ózeniniń, Ǵ.Mustafın kenti mańyndaǵy Nura ózeniniń jáne Osakarov kentindegi Aqbastaý ózeni arnalaryn tazartý, jaǵalaýlaryn nyǵaıtý jáne túbin tereńdetý jumystary men Ǵ.Mustafın atyndaǵy kenttegi qorǵanysh bógetin nyǵaıtý boıynsha mańyzdy sharalar júzege asyryldy.
Jalpy 2022 jyldyń mamyr-qarasha aılary aralyǵynda oblys aýmaǵynda shamamen 14 km qorǵanysh bógetteri men bilikteri turǵyzylyp, nyǵaıtyldy. О́zen arnalarynyń sý tasqyny qaýipti ýchaskeleriniń 20 shaqyrymyna sanasııa júrgizildi. Shamamen 2 shaqyrym sý burý arnalary salynyp, jóndeldi. 17,2 shaqyrym drenaj jáne sý burý júıeleri tazartyldy, avtomobıl joldarynyń 23 ýchaskelerinde sý ótkizý qabileti ulǵaıtyldy. 20 sý sharýashylyǵy obektilerine jóndeý júrgizildi. 4 eldi mekende jergilikti habarlaý júıesi ornatyldy.
Oblys ákimi barlyq qajetti aldyn ala sharalardy qabyldaýdy, asa qaýipti ýchaskelerge turaqty monıtorıng uıymdastyrýdy, obektilerdi tasqyn sýlardy apatsyz ótkizýge daıyndaýdy, eldi mekenderden qardyń shyǵarylýyn qamtamasyz etýdi jáne halyqpen úgit-nasıhat jumystaryn jandandyrýdy tapsyrdy.
