Osy ataýly kúnge oraı QR Syrtqy ister mınıstrliginde Mınıstrdiń orynbasary Roman Vasılenkonyń Slovakııanyń Qazaqstandaǵy Elshisi Robert Kırnagpen kezdesýi ótti.
Kezdesý barysynda R. Vasılenko Slovakııa Respýblıkasynyń qurylý kúnine oraı Prezıdent Q. Toqaevtyń, Parlament palatalarynyń basshylary M.Áshimbaevtyń jáne E.Qoshanovtyń, Premer-mınıstr Á.Smaıylovtyń quttyqtaý hattaryn dıplomatqa tabystady.
Taraptar dıplomatııalyq qatynastardyń ornaǵanyna 30 jyl tolýyna oraı syrtqy saıası vedomstvolarynyń basshylary Muhtar Tileýberdi men Rastıslav Kacherdiń quttyqtaý hattarymen almasty. M. Tileýberdi óziniń quttyqtaýynda osy táýelsizdik jyldary ishinde Slovakııanyń memlekettiligin jáne qoǵamdyq birlikti damytýdaǵy jetistikteri týraly aıtty.
«Qazaqstan men Slovakııa arasyndaǵy qalyptasqan dostyq qarym-qatynastar ári qaraı tereńdeı túsip, halyqtarymyzdyń ıgiligi úshin ózara yntymaqtastyq rýhynda damı beretindigine senimdimin», dep jazylǵan M.Tileýberdiniń quttyqtaýynda.
О́z kezeginde R.Kacher «ekijaqty qarym-qatynastardyń qarqyndy damýynyń 30 jyly ózara tabysty yntymaqtastyqqa taraptardyń múddeliligin aıǵaqtaıdy. Barlyq deńgeılerde turaqty saıası dıalog pen delegasııalardyń saparlary júzege asyrylady, al yntymaqtastyq berik quqyqtyq tuǵyrǵa negizdelgen» dep atap ótti.
Sońǵy jyldary Qazaqstan-Slovakııa yntymaqtastyǵy belsendi damydy. Eki eldiń parlamentterinde dostyq pen yntymaqtastyqtyń depýtattyq toptary quryldy, Ekonomıkalyq yntymaqtastyq jónindegi úkimetaralyq komıssııa jumys isteýde. О́zara is-qımyldyń negizgi baǵyttary belgilendi – energetıka, qurylys, ınfraqurylym, kólik, IT men kommýnıkasııa, aýyl sharýashylyǵy, ǵylym jáne tehnologııa.
2022 jyldyń 11 aıynda eki el arasyndaǵy taýar aınalymy 92,4 mln AQSh dollarǵa baǵalandy, bul ótken jyldyń sáıkes kezeńimen salystyrǵanda 18%-ǵa artyq. Qazaqstanda Slovakııanyń qatysýymen 30-dan astam kompanııa tabysty jumys istep jatyr.
Astana Slovakııa Respýblıkasynyń Vyshegrad tórttigi jáne dıplomatııanyń basqa da mańyzdy tetikteri aıasynda halyqaralyq qaýipsizdik pen aımaqtyq turaqtylyqty qoldaýǵa baǵyttalǵan kúsh-jigerin joǵary baǵalaıdy.
Bratıslava Qazaqstan Respýblıkasynyń ıadrolyq qarýsyzdaný jáne taratpaý isine, halyqaralyq jáne aımaqtyq qaýipsizdik pen turaqtylyqty nyǵaıtýǵa, sondaı-aq mádenıetaralyq jáne konfessııaaralyq dıalogty damytýǵa qosqan úlesin joǵary baǵalaıdy.
Suhbattastar Qazaqstan men Slovakııa eki memleket halyqtarynyń ıgiligi úshin ekijaqty qarym-qatynastardy jan-jaqty nyǵaıtýǵa jáne damytýǵa nıetti ekendikterin atap ótti.
