Polısııa basqarmasynyń jeke quramy habar alysymen kúdiktini dereý izdeýge kirisken.
– Saǵat 18:00 shamasynda rota komandıriniń orynbasary Ermat Aıtmaǵanbetov qylmys bolǵan jermen bir aýmaqtaǵy mekteptiń aýlasynda jasyrynýǵa tyrysqan kúdiktige uqsas adamdy baıqady. Polısııa qyzmetkeri ony ustady. Onyń qolynda 520 teńge somasynda qarajat, kartochkalar, telefon jáne kiltter salynǵan áıeldiń sómkesi boldy. 27 jastaǵy er adam polısııa bólimine jetkizildi. Zattaı dáleldemeler tárkilendi. Tekseris júrip jatyr, – dedi Ekibastuz qalasy PB patrýldik polısııa rotasynyń komandıri Farýz Kúsembekov.
Polısııa atalǵan fakti boıynsha QR QK-niń 191-baby 1-bóligimen (Tonaý) sotqa deıingi tergeý amaldary júrgizilip jatqanyn naqtylady. Kúdiktige qatysty bultartpaý sharasy – turǵylyqty jerinen ketpeý týraly qolhat alyndy.
