foto: polisia.kz
О́skemen qalalyq ákimdigi krımınaldyq polısııa bóliminiń qyzmetkerleri jedel-izdestirý is-sharalaryn júrgizý barysynda 28 keliden astam tyıym salynǵan zattardy tárkiledi. Máselen, 6 qańtarda qaladaǵy úılerdiń biriniń aýlasynda tártip saqshylary memleketaralyq izdeýde júrgen 39 jastaǵy azamatty ustady.
Kúdiktiniń turǵylyqty jerin tintý barysynda 790 dana qońyr-jasyl tústi, erekshe ıisi bar ósimdik zaty bar býmalardy tapty.
Saraptama qorytyndysyna sáıkes, kúdikti óz páterinde 28,3 keli keptirilgen marıhýana saqtaǵan. Qazirgi ýaqytta er adam ýaqytsha ustaý ızolıatoryna qamaldy. Qazaqstan Respýblıkasy Qylmystyq kodeksiniń 297-baby 3-bóligi boıynsha sotqa deıingi tergeý amaldary júrgizilip jatyr. Qylmysker 10 jyldan 15 jylǵa deıin bas bostandyǵynan aıyrylýy múmkin.
