Ǵylym jáne joǵary bilim mınıstrliginiń habarlaýynsha, qujat qabyldaýdy «Halyqaralyq baǵdarlamalar ortalyǵy» AQ júrgizedi.
«Bıyl taǵylymdamadan ótýshilerge qoıylatyn talaptar kúsheıtildi. Endi olar konkýrsqa qatysý úshin shet tili boıynsha emtıhan tapsyrǵany týraly sertıfıkat usynady. Bul «Bolashaq» stıpendııasyn taǵaıyndaý konkýrsyn jetildirýge múmkindik beredi. Sonymen qatar úmitkerlerdiń jalpy jumys ótili úsh jyldan kem bolmaýy kerek. Sońǵy 12 aıda tańdaǵan mamandyǵy boıynsha jumys isteýge tıis. Sondaı-aq qabyldaýshy sheteldik uıymnan shaqyrý jáne keminde V1 deńgeıindegi memlekettik tilden emtıhan tapsyrǵany týraly sertıfıkat talap etiledi», dep habarlady Halyqaralyq yntymaqtastyq departamentiniń dırektory Lázzat Ádilova.
Bıyl «Bolashaq» baǵdarlamasynyń basym mamandyqtar tizimi taǵylymdamadan ótýge arnalǵan 162 mamandyqty kózdeıdi. 2023 jyly tizimge «Bultty servıster», «Ǵarysh júıeleri men ınjenerııa», «Gıdrogeologııa», «Presızıondy medısına», «Testologııa» jáne basqa da suranysqa ıe mamandyqtar engizildi.
Aıta keteıik, «Bolashaq» baǵdarlamasy aıasynda shetelge taǵylymdamaǵa jiberiletin stıpendıattar kepilge múlik qoımaıdy. Mindettemelerdi oryndaý úshin eki garant usyný ǵana jetkilikti. Sońǵy 12 aıda turaqty tabysy bar, jasy 50-ge tolmaǵan QR azamaty úmitkerge garant bola alady.
