Indýstrııa jáne ınfraqurylymdyq damý vıse-mınıstri Almaz Ydyrysovtyń aıtýynsha, azamattyq avıasııa salasynda jolaýshylar aǵyny qalpyna keltirilip, turaqty ósim kórsetip otyr.
Aptasyna 479 reıs jıiligimen 109 baǵyt boıynsha 29 elge halyqaralyq áýe reısteri jańartylyp, ashyldy. Atap aıtqanda, Túrkııa, BAÁ, О́zbekstan, Grýzııa, Tájikstan, Túrikmenstan, Reseı, Qyrǵyzstan, Belarýs, Germanııa, Egıpet, Ońtústik Koreıa, Nıderlandy, Polsha, Armenııa, Ulybrıtanııa, Maldıv araldary, Taıland, Ázerbaıjan, Katar, Kýveıt, Saýd Arabııasy, Mońǵolııa, Úndistan, Iran, Gresııa, Italııa, Qytaı jáne Seıshel araldaryna reıster oryndalyp jatyr.
«Chernogorııaǵa, Malaızııaǵa, Gresııaǵa reısterdi qaıta jańǵyrtý, Qytaımen, Úndistanmen, О́zbekstanmen ulǵaıtý, Izraılmen, Katarmen, Túrkııamen, Pákistanmen, Ázerbaıjanmen, Tájikstanmen, Saýd Arabııasymen ashý josparlanyp otyr», dep atap ótti Almaz Ydyrysov.
Onyń aıtýynsha, áýe kemeleri parkin keńeıtý jumystary jalǵasyp jatyr.
2025 jylǵa deıin park 51 jańa ushaqpen tolyqtyrylady dep kútiledi, byltyr 14 jańa áýe kemesi satyp alynǵan edi.
Sondaı-aq áýejaılardy jańǵyrtý sheńberinde:
- 8 jobany iske asyrý, onyń ishinde Shymkent, Almaty, Qyzylorda qalalarynda úsh jańa jolaýshylar termınalyn salý;
- Qostanaı, Úrjar, Balqash qalalarynyń áýejaılaryndaǵy termınaldardy qaıta jańartý;
- Astana jáne Pavlodar qalalary áýejaılarynyń ushý-qoný jolaqtaryn kúrdeli jóndeýden ótkizý josparlanyp otyr.
