«Otandyq ádebıetti jańa aǵymmen tolyqtyrý jáne ultymyzdyń ádebı murasyn keńinen nasıhattaý, sondaı-aq qazaqstandyq ádebıet pen baspalarǵa tyń serpin berý maqsatynda «Aıboz» ulttyq ádebı syılyǵy engizildi. Igi dástúrdi odan ári damytý maqsatynda bıyl jańa jobalardy júzege asyrýdy josparlap otyrmyz. Atap aıtqanda, jas qalamgerlerdi qoldaý maqsatynda arnaıy prezıdenttik ádebı syılyq taǵaıyndalady», dedi Ashat Oralov Mádenıet mınıstrliginiń alqa otyrysynda.
Onyń aıtýynsha, aldaǵy ýaqytta mádenıet qyzmetkerleriniń halyqaralyq forýmy uıymdastyrylady.
«Sonymen qatar biz mádenıet qyzmetkerleriniń halyqaralyq forýmyn uıymdastyryp jatyrmyz. Bul sala mamandarynyń biliktiligin arttyryp, halyqaralyq tájirıbeni meńgerýge múmkindik beredi. Bul jumystardy joǵary deńgeıde júzege asyrýda zııaly qaýymnyń belsendi atsalysýynyń mańyzy zor. Qoǵam men jastardy tárbıeleýde aǵa urpaqtyń alatyn orny erekshe», dep túıindedi mınıstr.
