О́tken jyly jemqorlyq faktisi týraly habarlap, quqyq qorǵaý organdaryna kómektesken 134 azamatqa 40,6 mıllıon teńge kóleminde syıaqy tólengen.
Eń úlken syıaqy kólemi Atyraý jáne Qyzylorda oblystarynda berildi.
Aıta ketsek, sybaılas jemqorlyqqa qatysty qylmystardy ashýǵa járdemdesetin azamattardy kótermeleý qaǵıdalaryna sáıkes tólemder azamattar habarlaǵan adamdarǵa qatysty sot úkimi shyǵarylǵannan keıin júrgiziledi.
Bul rette Sybaılas jemqorlyqqa qarsy qyzmet aqparat berýshilerdiń tolyq qupııalylyǵyn qamtamasyz etedi.
«Sybaılas jemqorlyq faktisi týraly kez kelgen azamat 1424 telefony boıynsha Antıkordyń Call-ortalyǵyna habarlaı alady nemese jumys kúnderi saǵat 9:00-den 17:00-ge deıin ár aýmaqtyq departamenttiń Antikor Ortalygy-na bara alady», delingen vedomstvo habarlamasynda.
Máselen, 2022 jyly Antıkor Call-ortalyǵyna 27 myńnan astam qońyraý kelip tústi, onyń ishinde jemqorlyq quqyq buzýshylyq faktileri boıynsha 233 habarlama keldi.
37 habarlama boıynsha sotqa deıingi tergep-tekserý bastaldy, 18 sotqa joldandy, sotqa deıingi tergep-tekserýlerdiń biryńǵaı tizilimi boıynsha 20 toqtatyldy, 25 vedomstvolyq baǵynystylyǵy boıynsha joldandy.
