Kelissózder aıasynda qazaqstandyq dıplomat ızraıldik áriptesterge memlekettik organdarda qarastyrylyp jatqan ekijaqty kelisimderdiń jobalaryn kelistirýdi jandandyrýdy, sonymen qatar saýda-ekonomıkalyq baılanystardy nyǵaıtý boıynsha jumysty kúsheıtýdi usyndy.
Sonymen birge S. Burshaqov ızraıldik dıplomatty Prezıdent Qasym-Jomart Toqaevtyń «Ádiletti Qazaqstan» qurý boıynsha júrgizip jatqan mańyzdy reformalary týraly egjeı-tegjeıli habardar etti.
«S. Vapnı jańa jyldaǵy ekijaqty yntymaqtastyqtyń kún tártibiniń ózektiligin atap ótip, belsendi árekettesýge daıyn ekenin bildirdi. Kezdesý qorytyndysy boıynsha taraptar Qazaqstan-Izraıl bastamalaryn odan ári ilgeriletýge ýaǵdalasty», dep jazylǵan SIM taratqan habarlamada.
