22 qańtarda úshinshi oryn úshin ótken matchta Ǵalym Mámbetalıevtiń shákirtteri Japonııa quramasymen kezdesti. Match 8:1 esebimen aıaqtaldy.
Birinshi kezeńde Maksım Muhametov esep ashty. Bul bastapqy jıyrma mınýttaǵy jalǵyz gol boldy. Ekinshi kezeńde Saıan Danııar, Maksım Mýsorov, Álıhan О́mirbekov jáne Batyrlan Muratov taǵy tórt gol soqty.
Japonııa quramasynyń jalǵyz golyn Iýto Gondıra soqty. Qorytyndy kezeńde qazaqstandyqtar taǵy úsh gol soqty. Álı Qasenov, Muhametov jáne Danıl Býtenko erekshe kózge tústi.
Buǵan deıin Leık-Plesıdte ótken Ýnıversıadada hokkeıden Qazaqstannyń stýdenttik quramasy Ońtústik Koreıa, Vengrııa, Ulybrıtanııa jáne Slovakııa quramalaryn jeńgen bolatyn. Alaıda ol AQSh pen Kanada quramalarynan jeńilip qaldy.
