Pleı-offqa shyǵý úshin jantalasyp jatqan elordalyq klýb Magnıtogorskide jaqsy oıyn órnegin kórsetip, qajetti upaıdy qorjynǵa salady dep úmittendik. Biraq bul joly biz oılaǵandaı bolmady. Iá, «Barys» básekeni jap-jaqsy bastady. 7 mınýtta Ádil Beketaevtan jaqsy pas alǵan Djeremı Brakko esep ashty – 0:1. Ekinshi kezeńniń bastalǵanyna bar-joǵy 26 sekýnd ótkende Andreı Chıbısov tarazy basyn teńestirip ketti – 1:1. Bul esep kezdesýdiń sońyna deıin saqtalyp, ıaǵnı 40 mınýt boıy ózgergen joq. Al overtaımda «Metallýrgtiń» shabýylshysy Denıs Zernov jeńis golyn soqty – 2:1.
Osy jeńilisten keıin «Barys» jarys kestesindegi jaǵdaıyn taǵy da nasharlatyp aldy. Qazirgi kezde 56 oıynnan keıin 53 upaı jınaǵan jerlesterimiz Shyǵys konferensııasynda 10-orynda tur. Búgin astanalyqtar óz muz aıdynynda Cherepovestiń «Severstalin» qabyldaıdy.
