Ekonomıka • 25 Qańtar, 2023

Geosaıası ahýaldyń júk tasymalyna áseri

26 ret kórsetildi

О́tken jyldyń qorytyndysy boıynsha Qazaqstanda eksporttyq tasymalǵa jáne el ishinde avtomobıl transportymen júkterdi jetkizip berýge degen suranys aıtarlyqtaı ósken. Suranyspen birge logıstıkalyq qyzmet quny da ájeptáýir qymbattady.

Infografıkany jasaǵan Amangeldi Qııas, «EQ»

Halyqaralyq ATI.SU júk tasymaldaý bırjasynyń málimeti bo­ıynsha, Qazaqstannan ózge elderge júk jetkizýge suranys qatty ósim kórsetti. Bırjada ornalastyrylǵan ótinim sany eki eseden artyq kóbeıgen (+122 paıyz). Bul rette tasymal quny orta eseppen 41 paıyzǵa qymbattaǵan. Jyl basynda belsendilik birshama tómen boldy. Biraq kóktemnen bastap jyl sońyna deıin dınamıka jedel júrgen.

Byltyrǵy ósimniń basty draıveri – Qazaqstannan Reseıge jasalǵan júk tasymaly (+109 paıyz). Jańa baǵyt­tardyń nátıjesinde reseılik tasy­mal­daýshylar eýropalyq júkter­diń, sondaı-aq elge teńiz arqyly jetkizilgen júkterdiń shyǵynyn óteýge tyrysty. Sonymen qatar Bela­rýs, Polsha, Germanııa, О́zbekstan elderine júk tasymalyn jetkizý suranysy da joǵary deńgeıde.

Ádettegi baǵyttar boıynsha ju­mys isteýdi jalǵastyrǵysy kelgen ondaǵan reseılik jáne belarýstik avto­parkter erte kóktemde Qazaq­standa tirkelip alǵan. Bul ishki naryqtaǵy básekeni kúsheıtken. Bırja basshylyǵynyń aıtýynsha, Qazaqstannyń Eýrazııadaǵy jańa logıstıkalyq tizbekterdi qurýdaǵy róliniń kúsheıýi halyqaralyq tasy­maldaýǵa ótinimder sanynyń aıtarlyqtaı ósýine ákeldi, bul suranys pen usynystyń teńgerim­diligin saqtaýǵa múmkindik berdi.

– Bir jaǵynan Eýropa men ózge elderden ımporttyń kúıreýi reseılik kompanııalardy basqa baǵyttar, onyń ishinde Qazaqstan boıynsha jańa jetkizip berýshiler izdeýge májbúr etti. Ekinshi jaǵynan, kompanııalar Reseıden ketip jatyr jáne olar óz bıznesterin basqa elderde, sonyń ishinde Qazaqstanǵa da kóshirýde. Bul eldegi ekonomıkanyń jańarýyna, soǵan sáıkes tasymaldyń ósýine de yqpalyn tıgizedi, – deıdi Halyqaralyq ATI.SU júk tasymaldaý bırjasy qazaqstandyq ókildiginiń basshysy Renata Zobova.

Importtyq tasymaldaý boıyn­sha suranys asa joǵary emes. О́tken jyl qorytyndysy boıynsha ótinim sany – 10 paıyzǵa, quny 7 paıyzǵa ǵana joǵarylaǵan. Birqatar eýropa­lyq elderden – Belarýs, Polsha, Germanııa, Italııadan jáne Túrkııa men Grýzııadan da jetkizý kólemi artqan. Biraq Reseı baǵytyna qaraı tasymal kólemi kerisinshe, 3 paıyzǵa qysqarǵan.

– Logıstıkalyq naryqtaǵy aıtar­lyqtaı ósim negizinen eldegi saıa­sı turaqtylyqpen jáne batys el­deriniń Reseıge salyp jatqan sanksııalarymen baılanysty. 2022 jyly logıstıkalyq tizbekte aýqymdy qaıta qurý boldy – júk jiberýshiler jańa seriktester men jańa ótkizý naryǵyn izdese, júk tasymaldaýshylar jańa baǵyttarǵa óte bastady. Bul jaǵdaıda kóp kompanııalar biraz jylǵy seriktesterin joǵaltyp, bırjada tyń tapsyrys izdeýge májbúr, – deıdi R.Zobova. 

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar