Mádenıet jáne sport mınıstrliginiń alqaly otyrysynda Ilıa Ilın federasııanyń qazirgi jumysyna alańdaýshylyq bildirdi.
«Men bul jerde eki jyl kásibı sportshy retinde emes, sport menedjeri retinde jumys istedim. Eki jyl boıy komandada sheshim qabyldap, basqa da sharýalaryna da qatysyp júrdim. Bir jyldan beri biz aýyr atletıka federasııasyna laıyqty basshy taba almaı júrmiz. Bir jarym jyl buryn men menedjer bolyp kirgenimde bapkerlermen sóılestim, ózekti máseleler qozǵaldy», dedi Ilın.
Sportshynyń aıtýynsha, aýyr atletıka - túrli jarystarda Qazaqstan qorjynyna eń kóp medal salatyn sport túrleriniń biri, al aýyr atletterdiń jańa býyny budan da zor nátıje kórsetýi qajet.
«Men qazir áriptesterime, basshylyqqa, Altaı Kólginovke jáne Ashat Oralovqa ótinish bildirgim kelip tur. Bir sheshim qabyldańyzdar, men jetildim, basshylyq qyzmetti qabyldaýǵa, komandany óz qolyma alýǵa daıynmyn. Sebebi men bul sporttyń qyr-syryn jaqsy bilemin. Maǵan qoldaý kórsetýlerińizdi suraımyn», dedi Ilıa Ilın.
Mádenıet jáne sport mınıstri Ashat Oralov bul máseleni Ilınmen bólek talqylaýǵa daıyn ekenin aıtty.
