Jarys jolyna shyqqandar arasynda Qazaqstannyń da órenderi bar. Jerlesterimizdiń arasynan Erbol Hamıtov tabysty óner kórsetýde. Jeksenbi kúni ol parabıatlonnan 7,5 shaqyrymdyq qashyqtyqty 25:07,3 sekýndta júrip ótip, qola medaldi moınyna ilgen edi. Sol básekede qazaq sportshysy tek kanadalyq Kemeron Kollın men amerıkalyq Aron Pıkeden qalyp qoıdy. Al keshe parashańǵyshylardyń sprıntinde aldyna jan salmaǵan Hamıtov altyn tuǵyrǵa kóterildi. Jeńimpazdyń ýaqyty – 2:44,23 sekýnd. Bul tartysta ýkraınalyq Taras Rad kúmispen kúptelse, brazılııalyq Krıstıan Vestmaer Rıbeıra qolaǵa qol sozdy.
Erbol buryn grepplıng jáne djıý-djıtsýmen aınalysyp, Qazaqstan kýboginde fınalǵa deıin jetken edi. Biraq 2017 jyly oqys oqıǵadan keıin bir aıaǵynan aıyryldy. Bul jaǵdaı onyń saǵyn syndyra alǵan joq.
