О́ńirdiń ereksheligi eskerilýi tıis

Rasynda, elimizdegi sońǵy oqıǵalar, sonyń ishinde pandemııa jáne tótenshe jaǵdaı rejimin engizý kezinde jýrnalısterdiń jumysyn retteý máselesi jetilmegeni kórindi. Zań jobasynda dárigerler, polıseıler jáne qutqarýshylarmen teń dárejede ózderiniń kásibı boryshtaryn óteý barysynda jýrnalıster qyzmetin erekshe jaǵdaılarda quqyqtyq retteýdiń joldary qarastyrylǵan. Memlekettik organdarǵa suranys jiberý, oǵan jaýap qaıtarý merzimi qysqartylady.

Forýmda óńirlik gazetterge ortaq problemalardyń barlyǵy aıtyldy. Usynys kóp. Bul rette, ókiletti organdar tarapynan shekaraǵa jaqyn óńirlerde buqaralyq aqparat quraldaryna memlekettik tapsyrys berýde basymdylyq ulttyq ıdeologııalyq baǵytqa berilýge tıis. Mysaly, Pavlodar – shekaraǵa jaqyn ornalasqan oblys ári qazaq tiliniń máselesi tolyq sheshilmegen óńir. Pavlodar oblystyq «Saryarqa samaly» gazetiniń tek til máselesinde ǵana emes, ulttyq qundylyqtardy dáripteý boıynsha atqaryp kele jatqan  róli úlken. Osy oraıda, óńirlik basylymdy qoldaýdy keńeıtý kerek dep oılaımyz. Shekaralyq óńirlerde júrgizilgen marketıng zertteýler, ókinishke qaraı, ózge tildi aýdıtorııanyń basymdyǵyn kórsetedi. Bul rette qazaqtildi oqyrman aýqymyn keńeıtý kerek. «Mass medıa týraly» zań jobasynda sóz etilgendeı, memlekettik tapsyryspen qatar, sýbsıdııalaý arqyly qazaqtildi gazetterdiń jazylý baǵasyn arzandatýǵa, oqyrmanyn kóbeıtýge mán berilse deımiz. Eldigimizdi oılasaq, qalaı da qazaqtildi buqaralyq aqparat quraldaryn biryńǵaı ádispen tapsyrys berýden bólek jekeshe qoldaýdyń tetigin taýyp, jolǵa qoıylsa deımiz.

Gazet qyzmetkerleri de áleýmettik baspanamen qamtylý sekildi ózekti máselelermen ushyrasyp otyr. Bul rette mártebeniń ósirilýi, jergilikti bıliktiń zańdy negizde qoldaýyna ákeledi dep senemiz.

Nurbol JAIYQBAEV,

Pavlodar oblystyq «Saryarqa samaly» gazetiniń bas redaktory