Prezıdentke qalanyń 2022 jylǵy áleýmettik-ekonomıkalyq damý kórsetkishteri jáne osy jylǵa arnalǵan jospary týraly baıandaldy, dep habarlaıdy Egemen.kz Aqordaǵa silteme jasap.
Memleket basshysynyń tapsyrmasy boıynsha elorda ákimdigi áleýmettik nysandar salýǵa, eldi mekenderdi damytýǵa, uzaqqa sozylǵan qurylystardy aıaqtaýǵa, jeke ınvestısııalar tartýǵa, shaǵyn jáne orta bıznesti qoldaýǵa baǵyttalǵan júıeli jumys júrgizip jatyr.
Jeńis Qasymbek «Jaıly mektep» jobasynyń iske asyrylý barysy týraly esep berdi. Ulttyq joba aıasynda jańa formattaǵy 100 myń oryndyq 25 mekteptiń jobasy jasalyp jatyr. Mektepterdiń qurylysy bıyl bastalady.
Sonymen qatar Memleket basshysyna aýyzsý stansııasy (SSS-3), jylý elektr ortalyqtary, gaz jylý stansııalary qurylystarynyń barysy týraly málimet berildi. Mysaly, SSS-3 stansııasynyń qýaty táýligine 100 myń tekshe metrden astam sýdy tazalap, jetkizýge jetedi. «Turan» gaz jylý stansııasy 8 mıllıon sharshy metr turǵyn úıdi jylytýǵa qaýqarly. Turǵyndarynyń turmys-tirshiligin qamtamasyz etetin nysandardyń qurylysyn 2023 jyly aıaqtaý josparlanyp otyr.
Kezdesý sońynda Qasym-Jomart Toqaev Astananyń áleýmettik jáne ınjenerlik ınfraqurylymyn odan ári damytý, qalany abattandyrý jáne kógaldandyrý jóninde birqatar tapsyrma berdi.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
